UVIÉU, 8 Jun. (EUROPA PRESS) -
L'alministradora provisional única de la Corporación RTVE, Rosa María Mateo, afirmó que la radio y la televisón estatal "siempre van apoyar la inclusión del asturianu nos sos conteníos".
Asina-ylo indicó Mateo nuna respuesta escrita al senador de Compromís, Carles Mulet, qu'interrogó a l'alministradora única sobre la presencia "nula" del asturianu na emisión de RTVE a lo llargo de los 40 años de democracia magar "esixir la Constitución española respetu y protección de toles llingües españoles".
Mateo respondió que l'asturlliones nun ye oficial, anque ta reconocíu nos estatutos d'autonomía d'Asturies y Castiella y Llión, polo qu'al ser un idioma minoritariu énte'l castellanu si que se reaalizaron informaciones y reportaxes sobre esti idioma, "pero nun s'utilizó a diariu nes emisiones d'estos Centros Territorios".
Otra manera, RTVE esplicó que ye "mui respetuosa" coles llingües oficiales del Estáu y apoya siempre la so inclusión nos sos conteníos "d'una manera natural y orgánica". "En nengún casu refugáronse conteníos por tar falaos nestes llingües, mesmo, en dellos casos, como na selección de producción europea recibe más puntos si son proyetos n'otres llingües oficiales", afirmó Mateo, qu'añadió que RTVE "siempre va apoyar la inclusión del asturianu nos sos conteníos".
