MADRID, 25 Feb. (EUROPA PRESS) -
Los casos leves de coronavirus van poder siguise nes cases y van a realizase pruebes pa detectar el virus a les persones con neumonía o casos d'infección respiratoria grave ingresaes nos hospitales, según alcordaron el Ministeriu de Sanidá y les comunidaes autónomes nel senu del Conseyu Interterritorial del Sistema Nacional de Salú (CISNS), convocáu de forma estraordinaria pol ministru de Sanidá, Salvador Illa, y onde s'aprobó un protocolu d'actuación nuevu.
Trátase de dos midíes contemplaes nel protocolu nuevu ellaboráu pol Ministeriu de Sanidá, y qu'aprobaron les comunidaes autónomes, y nel que tamién se señala que los ciudadanos de les zones italianes de Lombardía, Piamonte, Emilia-Romaña y Vénetu, amás de los de Xapón, Irán, Corea del Sur y Singapur, sían consideraos pacientes de riesgu.
Coles mesmes, les persones que tengan una infección respiratoria aguda van ser consideraes como sospechoses o 'casos n'investigación', siempre y cuando tuvieren nes zones de riesgu nos 14 díes previos al empiezu de los síntomes o tuvieren contactu con un casu confirmáu o n'estudiu.
