MADRID/UVIÉU, 2 Mar. (EUROPA PRESS) -
El Ministeriu de Sanidá informó, nel informe de 'Actualización de la situación epidemiolóxica de les variantes d'importancia en salú pública n'España', d'una "probable reinfección" n'España cola variante brasileña del coronavirus.
En concreto, según el documentu, hasta agora detectáronse dos casos aislaos (dambos venceyaos con Brasil) y trés brotes con esta variante, magar dica agora Sanidá nun comunicó en qué comunidá se producieron.
El primeru de los brotos inclúi dos casos positivos (ún d'ellos confirmóse por secuenciación), y el segundu inclúi once casos (trés d'ellos secuenciaos), anque en nengún d'ellos pudo topase un vínculu con Brasil, anque ye nésti onde se detectó'l posible casu de reinfección. El terceru de los brotos ta rellacionáu con un viaxe a Brasil y hai dos casos afectaos.
A nivel xeneral, y teniendo en cuenta los trés variantes que circulen n'España (brasileña, británica y sudafricana) detectáronse casos confirmaos al traviés de secuenciación en toles comunidaes y ciudaes autónomes. Sicasí, Sanidá avisó nel trabayu que'l númberu de casos secuenciaos depende en gran midida de la capacidá de secuenciación de caúna d'elles polo que "nun representen" la prevalencia nes distintes rexones.
