UVIÉU, 14 May. (EUROPA PRESS) -
La conceyala d'Infraestructures Urbanes y Llimpieza Viaria del Conceyu de Siero, Sonia Lago, anunció esti xueves que Siero cunta dende esta selmana con tres puntos llimpios de proximidá instalaos pol Consorciu pa la Xestión de los Residuos Sólidos d'Asturies (Cogersa, poles sigles en castellán).
Trátase de grandes contenedores con diferentes compartimientos, diseñaos p'almacenar temporalmente hasta once tipos de residuos distintos, ente ellos pequeños electrodomésticos, testiles y residuos potencialmente tóxicos o peligrosos xeneraos nos llares.
Estos nuevos equipamientos alluguénse en Viella, na redolada del centru sociocultural; en Santa Marta Carbayín, al pie de la estación de tren; y en Santiago d'Arenas, na barriada, al pie de les bateríes de contenedores soterraos.
Lago esplicó que con esta midida quieren facilitar el reciclaxe na zona rural. Ente los residuos que puen depositase atópense tubos fluorescentes, bombilles de baxu consumu y llámpares LED, piles y bateríes, discos compactos, cartuchos de tinta y tóner, radiografíes, ropa usada, aerosoles, aceite de cocina usáu (dientro d'un envase de plásticu), asina como pequeños aparatos eléctricos y electrónicos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)