Actualizado 08/02/2008 18:43 CET

Los sindicatos cifren la participación na fuelga de xusticia nun 98% y el Gobiernu asturianu fala d'un 51,45%

UVIÉU, 8 de Febreru (EUROPA PRESS)

La fuelga indefinida convocada na Alministración de Xusticia non tresferida, polos sindicatos CSI-CSIF, CC.OO, UXT y STAJ, y qu'afecta a más de 1.171 trabayadores nel Principáu cumplió güei'l so tercer día de paru con unos datos de participación que, según los convocantes, algamaron un 98% de participación de los funcionarios.

Pela so parte, la Delegación de Gobiernu n'Asturies cifró güei'l siguimientu de la fuelga nel Principáu nun 50,56 por cientu, la segunda cifra más alta d'España tres de Murcia (51,45%). Según los datos gubernamentales, de les 1.171 persones que formen parte de l'alministración asturiana, secundaron la fuelga 592 funcionarios.

El representante de CC.OO, Ignacio Quintana señaló que'l paru n'Asturies algamó cotes del 97 y 98 por cientu y destacó que tola alministración de Xusticia quedó "paralizada". "Nun s'entregó nengún escritu, nin se celebró nengún xuiciu", apuntó'l sindicalista.

Nesti mesmu sen, proununcióse'l presidente del sector de xusticia del sindicatu CSI-CSIF, Luis Pérez, qu'animó a los trabayadores de Xusticia del Principáu a "siguir exixendo los sos derechos" y a "lluchar polo que-yos correspuende". "El próximu llunes vamos siguir col paru cola mesma ilusión", apuntó Pérez.

Los funcionarios exixen una homologación salarial ente los órganos de l'Alministración xudicial que nun ta tresferida y aquellos que dependen de les comunidaes autónomes onde tienen competencies.

Asina los representantes sindicales esplicaron que les diferencies salariales ente los trabayadores que dependen directamente del Ministeriu y los que tán n'órganos de competencia de les comunidaes autónomes puen llegar a 200 euros mensuales, lo que suponen cantidaes de 2.400 euros al añu menos pa los emplegaos de servicios non tresferíos".

Asturianu ofrecido por