UVIÉU, 24 Abr. (EUROPA PRESS) -
La cabeza de llista de Xuníes Podemos al Congresu por Asturies, Sofía Castañón, espresó esti martes el compromisu de la so formación cola reconocencia de la especialidá docente de llingua asturiana, denunciando la situación de "desigualdá" na que ta'l profesoráu d'asturianu.
"Nun ye normal que'l profesoráu de francés o catalán pueda optar a una plaza fixa y nun puedan facelo los qu'imparte asturianu", señaló Castañón nel marcu del alcuentru que caltuvo n'Uviéu cola Presidenta de la Xunta de Personal Docente non universitariu y Secretaria d'Acción Sindical de Comisiones Obreres d'Asturies, Marta Mori, pa conocer en detalle la difultá que la situación actual de los docentes d'asturianu.
La candidata de Xuníes Podemos señaló "la necesidá de la oficialidá de la llingua asturiana pa garantizar tolos derechos como falantes y como parte de la comunidá educativa", tanto pa los docentes como pa los que tán aprendiendo la llingua.
"Existe un gran consensu na cai y namás falta que se vea reflexáu nes instituciones", concluyó.
