Suatea va pidir que'l Conseyu Escolar y la Xunta de Personal Docente reconozan el derechu a usar l'asturianu

Archivo - Testos normativos de llingua asturiana.
EUROPA PRESS. - Archivo
Actualizado: miércoles, 24 marzo 2021 19:16

UVIÉU, 24 Mar. (EUROPA PRESS) -

El sindicatu Suatea va pidir que nos reglamentos de tolos órganos colexaos nos que participa --Conseyos Escolares, Xunta de Personal Docente y nos distintos Comités-- se reconoza esplícitamente'l derechu de cualquier persona al usu del asturianu o'l gallego-asturianu.

Al traviés de nota de prensa, Suatea informó de que nel Conseyu Escolar de Principáu d'Asturies (CEPA) del 18 de marzu presentaron un escritu n'asturianu. Sicasí, la Confederación Católica Nacional de Padres de Familia y padres de Alumnos (CONCAPA) mostró la so disconformidá por nun tar en castellanu.

"Anque l'escritu de SUATEA foi aceptáu, el Presidente de Conseyu Escolar fixo comentarios poco agraciaos referíos al escritu, calificando'l fechu de ser presentáu n'asturianu como una forma d'imposición", señalaron.

Nesi sentíu, recordaron que'l Tribual Consitucional avaló'l derechu a emplear l'asturianu nes instituciones. Por eso, "pa reforciar los nuestros derechos llingüísticos, d'avanzar na normalización institucional de les nuestres llingües y torgar enquivocos", Suatea va reclamar agora esi reconocimientu nos órganos colexaos nos que participa.

Asturianu ofrecido por