UVIÉU, 14 de Xineru (EUROPA PRESS) -
Suburbia Ediciones vien acabante d'anunciar la reedición de Misión Pelayo la novela xuvenil de Xulio Arbesú "que marcó un antes ya un después na lliteratura xuvenil en llingua asturiana", señala la casa editorial nuna nota prensa.
Publicada orixinalmente pola Academia de la Llingua Asturian nel añu 2002, la so primer edición agotárase rápidamente, recuerda Suburbia, que decide agora rescatar esta obra y presentala revisada y correxida a costa fecha por Xulio Arbesú.
La so intención ye que "los llectores d'anguaño puean desfrutar de les aventures de Licia, Mario y Rafa. Viaxes nel tiempu, viaxes iniciáticos y fechos ya personaxes que marcaron la hestoria d'Asturies se paseen peles páxines de Misión Pelayo que caltienen tola so maxia y el so encantu orixinales". Nesta reedición rescátense tamién les ilustraciones orixinales de Bertu Peña.
