UVIÉU, 16 Oct. (EUROPA PRESS) -
El Tribunal Superior de Xusticia d'Asturies (TSXA) ratificó la resolución de la Delegación de Gobiernu, que treslladó una manifestación pola sanidá pública énte l'Hotel de La Reconquista, sitiu d'entrega de los Premios Princesa, a la plaza de la Escandalera.
Según la xusticia, la manifestación torgaría disponer de víes de comunicación pa garantizar la seguridá ciudadana y considera que la llimitación introducida pola Delegación del Gobiernu nun afecta al derechu de xunta.
La sentencia de la Sala de lo Contencioso-Alministrativu del Tribunal Superior de Xusticia d'Asturies, torna'l Recursu Contencioso-Alministrativu del sindicatu Corriente Sindical d'Esquierda en Liberbank, contra la resolución de la Delegación del Gobiernu n'Asturies de fecha 8 d'ochobre de 2020, resolución que se caltién por ser afecha a derechu.
La resolución mentada alcordaba modificar la celebración de la manifestación convocata por CSI esti 16 d'ochobre de 17.45 a 19.00 hores, pero modifica'l sitiu de la concentración, que va pasar a ser la Plaza de la Escandalera d'Uviéu na so zona peatonal.
