UVIÉU, 11 Oct. (EUROPA PRESS) -
Los trés trabayadores de Vesuvius enzarraos na Catedral d'Uviéu afirmaron que van "lluchar hasta'l final". Un llabor pal que piden apoyu a la sociedá asturiana y a los políticos "reaccionar".
Nun audiu facilitáu por CCOO, los trés trabayadores afectaos por un espediente de regulación d'empléu (ERE) y que lleven enzarraos dende'l miércoles na Catedral d'Uviéu en señal de protesta, lleen un comunicáu onde valoren les muestres d'apoyu y espliquen que tán bien "y con ánimos de siguir lo que faiga falta".
Asina, reclamen "parar los pies a los que quieren robanos el trabayu". "Nun puen rise de toa Asturies y los políticos deben de reaccionar", reivindicaron, p'acabar afirmando que van "lluchar hasta'l final y necesitámosvos al nuestru llau".
"Necesitamos sentivos dende equí dientro, animo y a lluchar", solicitaron los trés enzarraos, que terminaron la grabación glayando 'Vesuvius nun pieslla' y 'Asturies ponte en pie'.
