Villayón fai'l númberu 60 de los conceyos cola toponimia aprobada

Cartel con topónimos de Xixón.
EUROPA PRESS.
Actualizado: miércoles, 6 junio 2018 12:33

UVIÉU, 6 Jun. (EUROPA PRESS) -

El Conceyu de Gobiernu d'Asturies aprobó esti miércoles el decretu qu'establez los topónimos oficiales del conceyu de Villayón. Según señalaron dende l'Executivu autonómicu "avanzase asina nel diseñu nel mapa topónimicu, con un total de 60 conceyos completos".

Actualmente tán yá mui avanzaos los espedientes d'Uviéu, Cabrales, Llanera, Castropol, Cuaña, Les Regueres, Onís y Somiedu. Per otru llau, con espediente abiertu y en diferentes fases del procedimientu tán Cuideiru, Ayande, Caravia, Ibias, El Valle Baxu de Peñamellera, Salas, Navia, Pravia y Muros, que xunto a los 60 yá aprobaos completen los 78 conceyos que tien Asturies.

El procesu de recuperación de la toponimia tradicional asturiana principió oficialmente el mes de xunu del añu 2004, cuando se constituyó la Xunta Asesora de Toponimia del Principáu d'Asturies. Los conceyos de Carreño, Llanes y El Franco foron los primeros en solicitar y aprobar nel 2005 la recuperación de la so toponimia tradicional.

Asturianu ofrecido por