Actualizado 30/10/2020 10:42 CET

La XDLA acusa a Barbón "d'escondese detrás del virus" y "aceptar la humillación de la ultraderecha"

El presidente del Principado, Adrián Barbón durante la reunión mantenida con el presidente de Vox, Ignacio Blanco.
PRINCIPADO

UVIÉU, 30 Oct. (EUROPA PRESS) -

La Xunta pola Defensa de la Llingua Asturiana (XDLA) preguntó esti viernes a Adrián Barbón si va "siguir escondese detrás del virús" amás "d'aceptar la humillación de la ultraderecha" pa retrasar la reforma del Estatutu y el procesu pa oficializar l'asturianu y el gallego-asturianu.

Al traviés de nota de prensa, la organización respondió asina al líder socialista depués de que l'alcalde de Siero aceptara, ente la protesta d Vox, refugar una moción de Somos por tar n'asturianu.

Nesi sentíu, la XDLA recuerda que mentes esto pasaba, Adrián Barbón pronunciaba unes palabres n'asturianu y gallego-asturianu nel Debate d'Orientación Política, pa lo que tuvo qu'apurrir a los diputaos de Vox una traducción al castellanu.

"Nin siquiera'l presidente d'Asturies pue usar l'asturianu na Xunta Xeneral por una minoría d'estrema derecha", señaló la Xunta, que recordó que Vox pretende que namás se pueda usar l'asturianu si-yos apurren enantes la versión en castellanu.

Otra manera, la organización tamién recuerda l'astención del PSOE de Corvera a una moción a favor de la oficialidá, qu'argumentó que la reforma del Estatutu nun ye urxente porque la prioridá agora ye la llucha contra'l Covid 19.

Por too eso, la Xunta pola Defensa de la Llingua Asturiana reclama al PSOE y al Gobiernu que preside Adrián Barbón que "nun s'escuenda detrás del virus" porque "la ultraderecha pue quitar de qu'Adrián Barbón o cualquier otru cargu electu pueda falar n'asturianu porque hasta que nun se reconoza como llingua oficial los derechos llingüísticos de los sos falantes nun existen".

Por eso, la organización preguntase si Barbón "va siguir aceptando la humillación de qu'una minoría d'ultraderechistes-y dicte cuándo pue y en qué condiciones usar l'asturianu" "Ye'l momentu d'actuar y encarar la reforma estatutaria pa incluyir la oficialidá", sentenciaron.

Asturianu ofrecido por