Actualizado 23/11/2018 15:20 CET

La XDLA afirma que "dende yá" van trabayar pa una apertura "de facto" de la reforma del Estatutu

La actriz Maria Cotiello lee el manifiesto de la Xunta Pola defensa del asturian
EUROPA PRESS - Archivo

UVIÉU, 23 Nov. (EUROPA PRESS) -

El portavoz de la Xunta pola Defensa de la Llingua, Carlos Pulgar, afirmó que "dende yá" van ponese a trabayar no que va ser la reivindicación de l'apertura "de facto y real" de la reforma estatutaria pa que s'incluya la oficialidá "lo primero posible".

Asina lo afirmó Pulgar en declaraciones a Europa Pres minutos depués de que'l plenu de la Xunta Xeneral refugara la propuesta conxunta de Podemos Asturies y IX pa reformar l'Estatutu d'Autonomía pa la incorporación de la oficialidá. L'asociación pudo siguir el debate dende la tribuna d'invitaos, onde foi invitada polos grupos proponentes.

A pesar d'eso, el portavoz de la XDLA valoró que los grupos parllamentarios tuvieren que posicionase y que, "pela primer vez na historia d'Asturies", s'use esti procedimientu d'intentu de reforma del Estatutu, anque criticó'l debate "recortáu" de tener que sometese una votación previa.

Anque nun saliera alantre, Pulgar esplicó que "dende yá" van ponese a trabayar. "El procesu empieza yá y les movilizaciones en feches próximes van dir señalándose, porque vamos a tener per delantre meses mui importante, nos que los partíos van tener que contar la so postura, y ehí vamos facer por visibilizar l'apoyu mayoritariu a la oficialidá", señaló.

Asturianu ofrecido por