Actualizado 27/03/2019 12:33 CET

La XDLA entama la campaña #OficialidaChallenge al traviés de les redes sociales

La XDLA entama la campaña #OficialidaChalenge al traviés de les redes sociales
XDLA.

UVIÉU, 27 Mar. (EUROPA PRESS) -

La Xunta pola Defensa de la Llingua Asturiana (XDLA) va entamar una campaña pa que los asturianos muestren el so apoyu a la manifestación pola oficialidá del 6 d'abril en Xixón al traviés del "retu viral" #OficialidaChallenge.

La iniciativa, según señaló la organización al traviés de nota de prensa esti miércoles, ta dientro de les actividaes pa visibilizar la manifestación y consiste en que los usuarios xuban a les redes sociales vídeos curtios con esi hashtag animando a la participación na marcha, "mostrando'l cariñu pola llingua o diciendo la so palabra favorita n'asturianu o en gallego-asturianu".

Amás, van tener que nominar a otres trés persones, que van tener que continuar el retu y asina too siguío. D'inaugurar esti retu viral va encargase la Pita de la Xunta, "la mascota del movimientu de reivindicación, que va principiar la campaña nominando a trés persones mui conocíes de la sociedá asturiana".

Otra manera, la XDLA diseño cuatro modelos de semeyes de perfil pa les redes sociales. Dos n'asturianu y dos en gallego-asturianu, de color azul colos lemes 'Yo voi' o 'Eu vou' y 'Ye agora' o 'É agora', qu'inclúin la fecha y hora de la manifestación.

"Estos van poder usase como imaxe de WhatsApp o de los perfiles personales de Twitter, Facebook o Instagram y, asina, enllenar les redes de color azul pa mostrar el cariñu pol nuestru patrimoniu llingüísticu", indicó la Xunta.

Asturianu ofrecido por