La XDLA presenta un cantar como banda sonora de la manifestación pola oficialidá

Publicado 29/03/2019 16:54:36CET
- XDLA. - Archivo

UVIÉU, 29 Mar. (EUROPA PRESS) -

La Xunta pola Defensa de la Llingua Asturiana (XDLA) presentó'l cantar y el videoclip de 'Falando', el tema col que van promocionar la manifestación pola oficialidá del 6 d'abril en Xixón.

El tema ta interpretáu por Lluci Palomares, voz de Corquiéu, y Xune Elipe, líder de Dixebra, con música de Sergio Tutu y Primi Abella. Trátase d'un tema interpretáu al 50% n'asturianu y gallego-asturianu qu'anima a la sociedá asturiana a siguir defendiendo'l so patrimoniu llingüísticu y usándolu. Pa la so difusión, 'Falando' tien un videoclip animáu realizáu por Javier Lueje que se va mover peles redes sociales.

Per otru llau, según señala la organización al traviés de nota de prensa, va animase a músicos conocíos y a cualquiera que cante o toque un instrumentu a que graben un videu interpretando un fragmentu del cantar y depués llamando a la manifestación. Trátase d'una campaña abierta a tol mundu pa les redes sociales col hashtag #falando