Actualizado 11/03/2016 09:58 CET

Xuan C. Busto repasa los autores n'asturianu más y menos conocíos de los sieglos XVII, XVIII y XIX

Bruno Fernández Cepeda.
DIBUJO DE JOSÉ CUEVAS

UVIÉU, 10 de Marzu (EUROPA PRESS)

   L'investigador Xuan C. Busto fizo una repasada esti xueves de los autores más y menos conocíos de los trés primeros sieglos de lliteratura en llingua asturiana conocida, dende la fecha d'escritura de 'Cuando ensamen les abeyes', d'Antón de Marirreguera, en 1639, hasta la publicación de l'antoloxía de Caveda y Nava 'Colección de Poesíes en dialectu asturianu', en 1834.

   Nuna conferencia nel Ridea sobre 'Los Entamos de la Lliteratura Asturiana', Busto estremó ente los autores incluyíos nesta antoloxía y otros que, tovía nun tando nella y siendo menos conocíos nesti momentu, tamién dexaron un intensu trabayu en cartes, poesíes y escritos n'asturianu.

   Ente los primeres, detúvose, amás d'en Marirreguera, n'Antonio Valvidares, o nel mesmu Caveda y Nava. Tamién mentó a Antonio de L'Aúxa, del círculu de Gaspar Melchor de Jovellanos, "l'únicu que visitó al ilustráu xixonés na so cárcel de Mallorca", aspectu que Busto destaca que pue percibise na so obra.

   Tamién citó a Bruno Fernández Cepeda, más alloñáu del círculu de Jovellanos, y más averáu al de Villaviciosa, de la familia Caveda y Nava.

   Ente los menos conocíos, y non incluyíos na antoloxía, señaló aquéllos que desarrollaron la so obra n'asturianu vinculada a la invasión francesa, les cortes de Cádiz y los acontecimientos políticos d'aquel periodu. Ye'l casu del colungués Joaquín Islamones.

Asturianu ofrecido por