Publicado 17/02/2017 10:39CET

Xunta Pola critica que la Llei de Llingües recueye'l vascu, el gallegu y el catalán, pero non l'asturianu

OVIEDO, 17 Feb. (EUROPA PRESS) -

La Xunta Pola defensa de la Llingua Asturiana acusó esti vienres al presidente del Principáu, Javier Fernández, de "vetar l'asturanu", dempués de que el PSOE presentara un borrador de la Llei de Llingües que recueye'l gallegu, el catalán y el vascu, pero non l'asturianu.

Nuna nota de prensa, la Xunta recuerda qu'en mayu del 2016, una delegación asturiana encabezada pol director xeneral de Planificación Llingüística y Normalización del Gobiernu d'Asturies, Fernando Padilla, participó en Valencia nel I Seminari de Direccions Generals de Política Lingüística, onde tamién participaron País Vascu, Cataluña, Isles Baleares, Galicia, País Valencianu, Navarra y Aragón. L'oxetivu del alcuentru yera promover un borrador de llei estatal de llingües propies pa desarrollar l'artículu 3 de la Constitución.

Sicasí, "pocos meses depués, el PSOE rexistra nel Congresu de los Diputaos una proposición de llei pa normalizar -esplicitamente- l'usu del catalán, vascu y gallegu na alministración estatal. Quier dicise, los asturianos quedamos fuera, volvemos ser ciudadanos de segunda ensin los mesmos derechos que'l restu d'habitantes del Estáu", comenta la Xunta.

Destaca amás qu'esti "pasu atrás ye una clara muestra del trabayu en contra de los intereses del nuestru país del presidente de la xestora del PSOE -y presidente d'Asturies a tiempu parcial-, Javier Fernández".

"Falamos d'una persona que ye famosa por felicitar la navidá a los asturianos en más d'una decena de llingües, pero non nes que tán protexíes pola llexislación autonómica, asturianu y gallego-asturianu. Tamién ye conocíu por usar el diccionariu de l'Academia de la Llingua Asturiana, obra cumal de la historia de la filoloxía asturiana, como soporte pa llevantar la pantalla del so ordenador. Unes muestres clares de respetu pola nuestra cultura y señes d'identidá", critica la Xunta Pola Defensa de la Llingua Asturiana.

"Agora, si esta llei sal alantre cola redacción actual, los ciudanos d'otros territorios billingües van poder dirixise a l'Alministración estatal nel so idioma. Amás, la producción cultural en gallegu, vascu y catalán va recibir ayudes, igual que se va promover la presencia d'estos idiomes nes emisiones de RTVE. Asina, los asturianos y asturianes vamos pagar colos nuestros impuestos l'usu d'otres llingües, pero vamos tener mil problemes pa usar la nuestra en casa", añadieron.

Amás, según la Xunta, "un asturianu tamién va poder renovar el DNI en Lluanco, n'A Veiga o en Xixón en gallegu, catalán o vascu, pero nun va poder facelo n'asturianu. Amás, va tener mil problemes y va tener que presentar unos cuantos requerimientos pa qu'esti documentu incluya los topónimos oficiales del sitiu onde vive".

Asturianu ofrecido por

Lo más leído

  1. 1

    El Gobierno propone limitar a 6 personas las reuniones en Navidad y toque de queda a la 1.00 en Nochebuena y Nochevieja

  2. 2

    La teniente coronel Silvia Gil, primera mujer que dirigirá una Comandancia de la Guardia Civil al asumir la de Teruel

  3. 3

    El PNV da el sí a los Presupuestos tras lograr el traspaso de los cuarteles de Loyola a San Sebastián en 2021

  4. 4

    Los residentes y el personal sanitario de residencias serán los primeros vacunados contra COVID-19, a partir de enero

  5. 5

    PharmaMar lanza un nuevo test PCR que permite detectar y diferenciar el Covid de la gripe