La Xunta pola Defensa de la Llingua diz que Casado ta faciendo una "exhibición d'inorancia"

Publicado 14/01/2019 16:32:16CET

UVIÉU, 14 Ene. (EUROPA PRESS) -

La Xunta pola Defensa de la Llingua Asturiana llamentó esti sábadu la "exhibición d'inorancia" del líder del PP, Pablo Casado, sobre l'asturianu al posicionase contra la oficialidá.

La Xunta, al traviés d'una nota de prensa, asegura que Casado faló d'una 'imposición de la oficialidá por decretu que naide reclama', polo que "parez ignorar partes esenciales del ordenamientu xurídicu del Reinu d'España".

Asina, espliquen que la reconocencia de la oficialidá nun pue facese por decretu sinón pela vía d'una reforma del Estatutu d'Autonomía, pa la que ye necesaria una mayoría amplia de trés quintes partes de la representación de la Xunta Xeneral.

Diz la Xunta que Casado tamién inora que la representatividá que tien el so partíu n'Asturies ye inferior a la que tienen los partos políticos que "reclamen" la oficialidá.

La organización pide al PP qu'esplique a los asturianos por qué d'ente toles llingües del Estáu namás que se oponen a la oficialidá del asturianu mentes que si l'apoyen en toles demás comunidaes con llingua propia distinta al castellanu --Galicia, País Vascu, Navarra, Cataluña, Valencia y les Isles Baleares--.

Contador