Publicado 27/01/2017 10:59CET

Xunta Pola lleva la so Caravana pola Oficialidá al Valle del Caudal

Caravana pola Oficialidá pel Valle del Caudal.
EUROPA PRESS

UVIÉU, 20 de Xineru (EUROPA PRESS)

La Xunta pola Defensa de la Llingua Asturiana llevará esti sábadu al Valle del Caudal la so caranava de coches pa revindicar la oficialidá de la llingua asturiana, según informó nuna nota de prensa.

L'acción forma parte d'una "serie d'iniciatives ente los ataques que se tán viviendo hacia los pocos avances que se dan na normalización social del asturianu (recursos de Delegación del Gobiernu a ordenances y reglamentos, campañes mediátiques contra la recuperación de la toponimia, parálisis na presencia de la nuestra llingua na radiotelevisión pública, etc.)", esplicó la nota.

Según la Xunta, "Viose la necesidá de responder con actividaes movilizadores pa que la demanda de la oficialidá siga tando presente tol añu, más allá de les feches reivindicatives de siempre. Tamién se busca aprovechar y fixar los llazos de collaboración abiertos colos alcaldes y conceyales que participaron na iniciativa de Conceyos pola Oficialidá".

Esta tercer caravana de coches pola oficialidá va salir pela mañana, a les 11.30 hores de la Plaza'l Mercáu de Cabanaquinta y va percorrer los conceyos d'Ayer, L.lena y Mieres. Nesti últimu conceyu sedrá'l final de la caravana y la hora de llegada sedrá sobre les 14.00 hores.

Esta ye la tercer movilización d'esti tipu de la Xunta Pola Defensa de la Llingua, dempués de les dos anteriores, pela Cuenca del Nalón y per Peñes.

Asturianu ofrecido por