MADRID, 19 Nov. (EUROPAN PRESS) -
Luz Casal a estat premiada aguest dimars damb eth Premi Nacionau des Musiques Actuaus corresponent ath 2013. Aguest premi, que concedís annaument eth Ministèri de Cultura, ei dotat damb 30.000 èuros.
Ena sua resolucion, eth jurat a resolvut prepausar, per majoria, era concession deth Premi a María Luz Casal Paz (Luz Casal), "perque damb era sua calidesa e ua votz que se grave ena memòria a recorrut un camin fèrtil que comencèc peth ròck e abracèc genres coma es balades e es boleros, qu'agraniren era sua trajectòria e era de toti e an arribat a publics diuèrsi e a diferentes generacions".
Luz Casal neishec a Boimorto (A Corunya) er 11 de noveme deth 1958, maugrat que se trasladèc a víuer a Astúries amassa damb era familha as sies mesi d'edat, en tot èster a Gijón a on actuèc per prumèr còp en public. Corsèc estudis de piano, solfegi e cant.
