BARCELONA, 28 Nov. (EUROPAN PRESS) -
Era tòia dera 'Gròssa de Cap d'an' se harà eth 31 de deseme as 11.00 ores ena Sala Grana deth Teatre Nacionau de Catalonha (TNC), en un acte que durarà mieja ora apuprètz e a on, ath delà d'extrèir es tres bòles guanhadores, i aurà diuèrses actuacions, encara per concretar.
Ac a anonciat aguest dijaus era directritz de Tributs e Jòcs dera Generalitat, Elsa Artadi, en ua arròda de premsa per presentar es detalhs dera tòia dera naua loteria catalana, es beneficis dera quau se destinaràn a projèctes sociaus entara enfància.
Artadi s'a mostrat "plan satisfèta" peth ritme de venda des bilhets, dempús qu'a començament d'aguesta setmana s'agen superat es 20 milions d'èuros distribuïdi --de 30 milions d'imprimidi--, e a explicat qu'era volentat ei èster mès ambiciosi amb vista ara tòia der an que ven per èster pregressivament en condicions de concórrer damb era rèsta de loteries.