BILBO, 18 (EUROPA PRESS)
Bilboko Aste Nagusia bueltan da, COVID-19aren ondorioz bi urtez geldituta egon ostean. Itziar Urtasun Bilboko Udaleko Lankidetza, Bizikidetza eta Jaietako zinegotziak programazioaren xehetasun guztiak aurkeztu zituen asteazken goizean prentsaurrekoan, abuztuaren 17an, Joseba Rosales Bilboko Aste Nagusiko koordinatzailearekin eta jaietako arloa osatzen duen taldearekin batera, hiriko Udalak adierazi duenez.
Larunbat honetan hasiko da, abuztuaren 20an, eta datorren asteko iganderaino luzatu, abuztuaren 28an. Arriaga Antzokian emango zaie ongietorria jaiei, arratsaldeko 19:00etan. Bertan, Itziar Lazkano pregoilariak eta Iratxe Palacios txupinerak Pregoia irakurri eta Txupina jaurtiko dute.
Programazioak gustu eta adin guztietarako 500 jarduera biltzen ditu, eta hainbat kanalen bidez kontsulta daitezke, hala nola Udalaren webgunearen edota sare sozialen bidez, baina baita dohainik deskarga daitekeen 'Bilbao. Aste Nagusia 2022' aplikazio ofizialaren bidez ere. Jaiak aniztasun handikoak izateaz gain, inklusiboak ere badira; izan ere, pregoian zein antzerki-ikuskizunetan zeinu-interpreteak egongo dira, programak braillez idatzita eta Irakurketa Errazerako egokituta, sarbide eta kokapen lehenetsiak aniztasun funtzionala duten pertsonentzat, bainugela egokituak eta soinu-alteraziorik gabeko ordu-tarteak, autistek barrakez gozatzeko aukera izateko.
MUSIKA: KONTZERTUEI BURUZKO GUZTIA
Udalak ikus-entzule guztietarako doako 100 musika-jarduera baino gehiago antolatu ditu, eta Bilboko hainbat tokitan banatu dira.
Abandoibarran, honako kontzertuak egongo dira ikusgai, denak gaueko 23:30ean hasita:
- Larunbata 20: Mikel Urdangarin + Bilbao Orkestra Sinfonikoa (BOS)
- Igandea 21: Victor Manuel
- Astelehena 22: El Drogas
- Asteartea 23: Viva Suecia
- Asteazkena 24: La Oreja de Van Gogh
- Osteguna 25: Bulego
- Ostirala 26: Dani Fernández
- Larunbata 27: Pasión Vega
Europa Parkean, ordea, kontzertu gutxiago egongo dira, baina, aurreikusita dagoen bezala, jendetsuagoak izango dira. Denak hasiko dira gauerdiko 00:00etan:
- Asteazkena 24: Ana Mena
- Osteguna 25: Los 40 Principales-Aste Nagusia
- Ostirala 26: En Tol Sarmiento (ETS) + Gaztea
- Larunbata 27: Megastar FM+ ADI Bilbao Festa handia
Plaza Berrian munduko musikak aurkeztuko dira, Euskadi, Galizia, Afrika, Ukraina edo Kubako artistek markatuko baitituzte kultura anitzeko erritmoak. Denak hasiko dira 23:30ean:
- Larunbata 20: XXIX Bilbo Reggae Splash 2022: Dubby Ambassah-ri tributua
- Igandea 21: Valérie Ekoumé (Kamerun)
- Astelehena 22: Patáx (Madril)
- Asteartea 23: Luar Na Lubre (Galizia)
- Asteazkena 24: Hudaki Village Band (Ukraina)
- Osteguna 25: Jerez de la Morena
- Ostirala 26: Eñaut Elorrieta (Euskadi)
- Larunbata 27: Alain Pérez eta La Orquesta (Kuba)
Gizakundearen elizan, aitzitik, musika klasikoa izango dugu, munduko hainbat lekutako bakarlari, abesbatza eta orkestrekin. Guztira 8 kontzertu izango dira, eta 20:30etik aurrera hasiko dira:
- Larunbata 20: Miriam Zubieta, Alejandro Lárraga eta Leyre Lisarria
- Igandea 21: Gasteizko Bakarlariak Taldea
- Astelehena 22: Passamezzo Antico
- Asteartea 23: Satisfacshow
- Asteazkena 24: Arteus orkestra
- Osteguna 25: Cadenza Quartet
- Ostirala 26: Emin Kurkchyan
- Larunbata 27: Rossini Abesbatza
Bilborock Aretoan 35. Bertako Metala, Pop Rocka-Metala, Bertako Pop Rock-a Erakustaldia egingo da, eta sarrera guztiz libre, lekua bete arte:
- Larunbata, abuztuak 20
20:00: Huracan Rose
21:00: Tiparrakers
- Igandea, abuztuak 21
20:00: Addar
21:00: Kruddö
- Astelehena, abuztuak 22
20:00: Arde Marte
21:00: Jum!
- Asteartea, abuztuak 23
20:00: Enrockecidos
21:00: Negracalavera
- Asteazkena, abuztuak 24
20:00: The Last Hidden Fox
21:00: SONIC FREE STATION
- Osteguna, abuztuak 25
20:00: Kinki Boys
21:00: Moonshakers
- Ostirala, abuztuak 26
20:00: Empire of Disease
21:00: Deimocracy
- Larunbata, abuztuak 27
20:00: Song of Anhubis
21:00: Blackhearth
Gainerakoari dagokionez, bilbainadak izango ditugu Casilda Iturrizar Parkean eguerdiro (12:00); Los Chimberos, Los 5 Bilbainos, Mapa Mundi eta Gaupasa taldeen kontzertuak, hain zuzen ere. Toki berean, gaueko 23:30etatik aurrera, guateke klasikoak ekarriko dituzten artista hauek agertuko dira: Tennessee, Anakoz, Asier Bilbao, Mariachi Imperial Elegancia Mexicana, Maria Dolores Praderari Tributua, 80 hamarkadako Rock-ari omenaldia, La Carrocería, eta Formula V. Abuztuaren 20, 25, 26 eta 27an, Luis Carlos del Pozo DJak emango dio parkeko gaueko giro onari hasiera.
Plaza Biribilan, bestalde, dantzaldiek eta orkestrek izango dute distira egiteko unea. Egunean bi emanaldi egingo dira, 20:00etan eta 23:15ean, talde hauen eskutik: Jamaica Show, Urrats, En Esenzia, Lehian, Akerbeltz eta Oxabi. San Anton, Udaletxe eta Euskalduna zubien artean, ordea, musika koralak Nerbioi ibaia harmonizatuko du itsasontzi baten gainean, 'Zubitik zubira' ekimenarekin. Ontzian Israel Santamaría pianistak, Carlos Velasco gitarristak eta Pablo Almaraz harmonizistak hartuko dute parte.
ANTZERKIA, SU ARTIFIZIALAK, HERRI KIROLAK ETA BESTELAKOAK
Udalak 18 antzerki-ikuskizun programatu ditu 17 konpainiaren eskutik, eta abuztuaren 21etik 28ra Gas Plazan (13:30ean eta 21:15ean) eta Casilda Iturrizar parkeko Txikiguneko pergolako agertokian (19:30ean, umeei zuzenduta) emango dira. Musika, magia, akrobaziak, clowna eta umore handia uztartuko dituzte.
Halaber, hilaren 22tik 27ra bitartean Antzoki Ibiltaria arituko da Bilboko autobus turistiko klasikoan, 10:30ean, 12:00etan eta 13:00etan. Gurutze Beitia aktore bilbotarrak antzezten duen gida hiriko historia eta pasadizoak umorez azaltzen saiatuko da 'tour' ezohiko horretan. Hiriko elementu eta bazterrik adierazgarrienak erakutsiko ditu azafatoekin batera (Iñaki Maruri eta Mitxel Santamarina), eta sarrera Udalaren webgunean eskura daiteke, musu-truk.
Su artifizialei dagokienez, aurten Bilbo Hiria Su Festen Nazioarteko Lehiaketaren XXX. edizioan ospatuko da, eta Italia, Frantzia, Coruña, Granada, Valentzia eta Zaragozatik etorriko diren 8 piroteknia-konpainietatik 7 lehiatuko dira abuztuaren 20tik 27ra bitarteko gauetan, 22:30ean. Berritasun gisa, aurten Sari Berdea lor datieke, pirotekniako hondar gutxien sortzen dituenarentzat. Valecea Pirotekniak (Araba) hilaren 27an emango du erakustaldia.
Jaietako beste ikono bat Balearen Desfilea da, eta abuztuaren 21ean, igandean, 19:00etatik aurrera itzuliko da Bilboko kaleetara. Plaza Biribilean hasiko da, Bilboko Kale Nagusian aurrera egingo du, eta Moyua plazara iritsiko da.
Azkenik, umeentzako jolasekin, euskal folkorearekin eta herri kirolekin lotutako jarduerak ditugu. Umeei zuzendutakoak 33 izango dira, 12 urtetik beherakoentzat, eta Txikigunean antolatuko dira. Aurten NBEren 2030 Agendako Garapen Jasangarrirako Helburuak (GJH) izango ditu ardatz, eta erronka ludiko-pedagogikoen bidez, garapen jasangarriaren esanahia eta 17 GHJak ezagutuko dituzte. Umeen Adiskideen Hiriko Txu Txu trena ere jarriko da martxan, Txikigunera errazago joateko.
Euskal Folklorearekin eta Herri Kirolekin erlazionatutako jarduerak, aldiz, ehun baino gehiago izango dira, besteak beste txistulariak eta gaiteroak, 8 erraldoiak eta buruhandiak, bertsolariak, bilbainadak, fanfarreak, Txarangak, alardeak, erromeriak eta dantzak.
Abuztuaren 24tik 27ra bitartean, eguerdiko 12:00etan, herri-kiroletako modalitate guztiez gozatu ahal izango da Arriaga Plazan, hala nola harrijasotzea, txingaeroatea, aizkolaritza, sokatira, eta gizon eta andra probak.
Hilaren 21ean, ostera, traineru lehiaketak itzuliko dira itsasadarrera. Areatzako zubiaren ondoan behin-behineko pilotalekua egongo da martxan, eta 22, 23 eta 24an, 11:00etatik 15:00etara, Bilboko historia piraguan ezagutzeko aukera egongo da Itsasmuseumen.
