BILBO, 1 (EUROPA PRESS)
Bilboko Berreginen Museoak doako marrazketa eta pintura eskolak eskainiko ditu sarean, asteazken honetatik aurrera. Eskolak astean behin argitaratuko dira web plataforma batean, eta Beatriz Aparicio irakaslearen hainbat azalpen egongo dira ikusgai.
Jarduera hau museoaren instalazioetan egin ezin denez, eta konfinamendurako entretenimendu zerbitzu gisa, Bilboko museoak erabaki du klaseak interesa duen orori irekitzea. Parte hartzeko, ez dago izena eman beharrik.
Lehen eskola asteazken honetan argitaratu da, koloreari buruzko azalpen batekin. Zati teorikoaren ondoren, Beatriz Aparicio artistak ikasleei praktika bat proposatu die, eta ikasleek etxean egin eta Berreginen Museora bidali ahal izango dituzte beren lanak.
Museoak apirilerako antolatu ditu saioak. Horrenbestez, parte hartzaileek hainbat teknika eta kontzeptu ikasi ahal izango dituzte, apirilean zehar izango diren lau eskola teorikoak eta proposatutako praktikak baliatuta.
Sareko marrazketa eta pintura eskoletara sartzeko, nahikoa da https://spark.adobe.com/page/8ZZoRgnGJYHYt/ (euskaraz) edota https://spark.adobe.com/page/uCNWXAB5Brdoc/ (gaztelaniaz) esteketan klik egitea. Ikasleek lanak Berreginen Museora bidali nahi badituzte, Itziar Martijari bidali ahal izango dizkiote, Itziar.martija@bbmuseoak.eus helbidera.
