BILBO, 5 Jul. (EUROPA PRESS) -
Euskotren sozietate publikoak jakinarazi du zerbitzu berezia eskainiko duela Bilboko metroaren 3. linean, ostegunetik larunbatera bitarte Kobetamendin ospatuko den Bilbao BBK Live jaialdia dela eta.
Horrela, osteguneko 7ko kontzertuak amaitu ostean, tren zerbitzua 15 minutuan behin eskainiko da Kukullaga/Etxebarri-Matiko/Bilbo artean (23:23tik 03:23ra) eta Matiko/Bilbo-Kukullaga/Etxebarri artean (23:15etik 03:15era), ikusleen itzulera errazteko. Kontzertuak hasi aurretik, garraio beharrak ohiko trenekin beteko dira, ohiko ordutegian.
Era berean, ostiralean eta larunbatean, Bilboko metroaren 3. lineako ohiko tren zerbitzuak gau osoan zehar ibiliko dira 15 minutuan behin, kontzertuak amaitzen direnean joan-etorriak errazteko.
Euskotrenek erabiltzaileei gomendatu die ordutegiak aldez aurretik
kontsulta ditzatela app ofizialean edo www.euskotren.eus webguneko
bilatzailean. Era berean, gogorarazi du garraio publikoan maskara nahitaez erabili behar dela.
Informazio gehiago nahi izanez gero, erabiltzaileak Euskotreneko langileek zerbitzatutako geltokietara joan daitezke. Gainera, Euskotrenen 944 333 333 telefonoa eta @euskotren Twitter kontua ere eskuragai daude.
