BILBO, 9 Dic. (EUROPA PRESS) -
Euskotrenek Bilboko tranbiaren zerbitzu bereziak eskainiko ditu astelehenean, abenduaren 10ean, Athleticek eta Gironak 21:00etan San Mamesen jokatuko duten Santander Ligako partida dela eta, sozietate publikoak jakinarazi duenez.
Horrela, Atxuritik Casillara hamar minutuan behin izaten diren zirkulazioez gain, Pio Barojatik Ospitalera irtengo diren hiru zerbitzu berezi izango dira 20:01ean, 20:31n eta 20:41ean. Partida bukatu ondoren irteera modu egokian egiteko, 22:50etik 23:10era bitartean, gutxi gorabehera, zerbitzuaren mozketa partziala egingo da Casilla eta Euskalduna artean. Behin mozketa bukatuta, Atxurirako eta Casillarako tranbiaren zirkulazio bereziak martxan jarriko dira.
Partidaren ondoren San Mamesetik hurbil dauden geralekuetan pilaketak ekiditeko, Euskotrenek Euskaldunako geralekura joatea aholkatzen du, geraleku horretatik tranbiaren zerbitzu bereziak irteten baitira. Bilboko tranbiarako sarrera errazagoa eta azkarragoa izan dadin, Euskotrenek ordaintzerakoan Barik erabiltzailea gomendatzen du.
Bestalde, tren zerbitzuari dagokionez, partida hasi aurretik, Bermeotik eta Eibartik Atxurira eta Txorierrin zerbitzu erregularren bitartez eskainiko da. Neurketaren ondoren, zerbitzu berezia eskainiko da Txorierriko linean: Kukullaga-Lezama 23:45ean eta Lezama-Kukullaga 22:52an. Halaber, L3 linean ondorengo zerbitzu bereziak eskainiko dira: Matiko-Kukullaga 23:17, 23:32 eta 23:47an, eta Kukullaga-Matiko 23:30, 23:45 eta 00:00etan.
Informazio gehiago lortzeko, erabiltzaileek 944 333 333 telefono zenbakira dei dezakete. Gainer, www.euskotren.eus webgunea, @euskotrenEJGV Twitter gunea eta Euskotrenen app ofiziala erabilgarri daude.
