BILBO, 1 Abr. (EUROPA PRESS) -
Bilboko Udalak eta Deustuko Unibertsitateak hiriko garapen ekonomikoaren bilakaera aztertzeko ikerlana jarri dute martxan, Bilbao Ekintza udal sozietatearen bitartez eta Deusto Fundazioaren bidez, hurrenez hurren. Gainera, azterlanaren bidez, Bilboren antzeko ezaugarriak dituzten Europako beste hiri batzuetan duten egoerekin alderaketa egingo da.
Ikerketa Bilbao Next Lab ekimenaren barruan garatuko da. Bilboko Udalak eta Deustuko Unibertsitateak sinatutako lankidetzarako esparru akordioko ekimena da Bilbao Next Lab, hiriko biztanleei garapen ekonomiko eta sozialerako garrantzi berezia duten gaien inguruko erantzunak emateko.
Bilbao Next Lab ikerketarako eta ekintzarako laborategia da, eta 2013. urtean jarduerak abiarazi zituenetik, espezializazioaren bitartez garapen jasangarria babesteko hiriaren eraldaketa ekonomikoa erraztea du helburu.
