Chillida Leku munduan bisitatzeko 100 lekurik onenen artean sartu du Time aldizkariak

Actualizado 2019/08/22 17:35:34 CET
- CHILLIDA LEKU - Archivo

DONOSTIA, 22 (EUROPA PRESS) -

Chillida Leku munduan bisitatzeko lekurik onenen artean aurkitzen da, Ameriketako Estatu Batuetako (AEB) TIME aldizkariak World's Greatest Places 2019 zerrenda argitaratu ostean. Horrela, museo hau da aurtengo zerrenda ospetsuan sartzea lortu duen Espainiako leku bakarra.

Editoreek, munduan banatuta dauden berriemaileek eta adituek urtero osatzen duten zerrendak ehun leku jasotzen ditu, bide berriak ireki eta industriaren joerak zuzentzen ari direnak, eta berezitzat jo daitezkeen esperientziak eskaintzen dituztenak.

"Chillida Leku museoak etapa berri bati ekin zion joan den apirilean, eta orduz geroztik 45.000 bisitari inguru izan ditu, eta horrek areagotu egin du bisitaldi gidatuen eskaera, museoaren erakarpen handietako bat delarik", adierazi du Mireia Massague museoko zuzendariak.

"Halako aintzatespenek lanean jarraitzeko animatzen gaituzte, museoaren kudeaketa eredu berria bermatzen dute. Gainera, inguruarekin eta tokiko bisitariekin dugun inplikazioaren garrantzia berretsi digu. Horrek guztiak nazioarteko dimentsioa ematen dio Chillida Lekuri", nabarmendu du.

Contador