BILBO 23 May. (EUROPA PRESS) -
Euskalmet euskal meteorologia agentziaren iragarpenaren arabera, larunbat honetan, maiatzaren 23an, zerua oskarbi egongo da, goizaldean eta arratsaldean bero-hodei batzuekin barnealdean. Pirinioetan baliteke ekaitzen bat sortzea.
Eguerditik aurrera ipar-ekialdeko haizea sartuko da eta, horren ondorioz, tenperatura ez da aurreko egunetan bezain altua izango Kantauri isurialdean, bereziki kostaldean; bertan beroenak 30 gradu azpitik geratuko dira. Gainerako tokietan, berriz, bero zakarra izango da berriro.
Hiriburuetan, Baionan 17 gradu espero dira gutxienez eta 27 gehienez, Bilbon 20 gutxienez eta 30 gehienez, Donostian 18 gutxienez eta 26 gehienez, Gasteizen 15 gutxienez eta 32 gehienez eta Iruñean 15 gutxienez eta 35 gehienez.
Itsasbazterrean mendebal-osagaiko haizea ibiliko da 2ko indarrarekin, goizean aldakor geratuko da, eta eguerdian ipar-ekialdetik finkatuko da; itsaso kizkurra eragingo du, itsaskirriko guneekin. Ipar-mendebaldeko hondoko itsasoak 0,5-1 metro arteko olatuak altxatuko ditu. Itsasgorak 11:19an eta 23:43an izango dira, eta itsasbehereak 04:49an eta 17:07an. Uraren tenperatura 16 gradukoa da eta ikuspena hamar kilometrotik gorakoa izango da.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)