BILBO, 22 (EUROPA PRESS)
Euskaltzaindiak aurtengo Nafarroa Oinez antolatuko duen Tafallako Garces de los Fayos ikastola bisitatuko du ostiralean, irailaren 23an, jaiegunerako hiru aste geratzen direnean. Ikastolara hurbildu aurretik, Tafallako udaletxeko udalbatza aretoan bilduko da Euskararen Akademia, bertan lan saioa aurrera eramateko.
Nafarroako ikastolen aldeko jaiaren arduradunek jakinarazi dutenez, udaletxeko lan saioa bukatuta, 11:30ean, Tafallako Udalak harrera egingo dio Euskaltzaindiari, eta Jesus Arrizubieta alkatearen eta Andres Urrutia euskaltzainburuaren hitzaldiak izango dira.
Opariak trukatu eta taldeko argazkia atera ondoren, 12:30ean, Garces de los Fayos ikastolara bisita hasiko da. 14:00etan bazkaltzeko etena egingo dute, eta 15:30etik 16:00etara bisita gidatua izango da.
Euskaltzaindiaren bisitarekin bukatuko dira urriaren 16an 'Erdian Erein' lelopean Tafallan ospatuko den Nafarroa Oinez jaiaren harira antolatu diren aurreko ekitaldiak.
