DONOSTIA, 19 Ene. (EUROPA PRESS) -
Euskotren sozietate publikoak pertsonen joan-etorriak errazteko tren zerbitzu berezia eskainiko du igandetik astelehenerako gauean, San Sebastian Eguna dela eta, Lasarte-Hendaia, Altza-Amara eta Zumaia-Amara tarteetan.
Zehazki, Euskotrenek jakinarazi duenez, zerbitzu berezia 30 minutuan behin ibiliko da Lasarte-Hendaia linean, eta ordu batean behin Altza-Amara linean. Gainera, Zumaia eta Amara artean gau osoan zehar ordu batean behin ibiliko dira trenak. Astelehenean, urtarrilaren 20an, trenen ordutegia lanegunetako ohikoa izango da.
Informazio gehiago behar duten erabiltzaileek Euskotrenen honako telefono zenbaki honetara dei dezakete: 944 333 333. Horrez gain, informazioa jaso dezakete Euskotreneko langileak dauden geltokietan eta geralekuetan, app ofizialean, www.euskotren.eus web orrian eta @euskotrenEJGV Twitter gunean.
