BILBO, 24 Abr. (EUROPA PRESS) -
Euskotren sozietate publikoak gaueko tren zerbitzu berezia eskainiko du apirilaren 27an eta 30ean eta maiatzaren 4an, Zaldibar-Zornotza tartean, Trañako San Prudentzio jaiak direla eta, garraioko enpresa publikoak jakinarazi duenez.
Hain zuzen, apirilaren 27tik 28rako eta maiatzaren 4tik 5erako gauetan, bi orduan behin izaten den gauetako ohiko zerbitzua indartuko da tren bereziekin Zaldibar eta Zornotza artean, jaietara joan-etorriak errazteko. Era berean, apirilaren 30etik maiatzaren 1erako gauean ere zerbitzu bereziak eskainiko dira Zaldibar-Zornotza tartean, eta horrela, gau osoan zehar zirkulazioak izango dira.
Informazio gehiago behar duten erabiltzaileek Euskotrenen 944 333 333 telefono zenbakira dei dezakete. Horrez gain, informazioa jaso dezakete geltokietan eta geralekuetan, www.euskotren.eus webgunean, @euskotrenEJGV Twitter gunean eta app ofizialean.
