GASTEIZ, 26 (EUROPA PRESS)
Gasteizko Montehermoso Kulturuneak egitarau berria antolatu du 'Rock on Top' izenburupean, eta ekainaren 16tik 18ra Mendizabalan ospatuko den Azkena Rock Festival jaialdia dela-eta hirian izango diren musika talde eta artistetan oinarritutako dokumentalak eskainiko ditu.
Zinemaren bidez giza eskubideetan hezteko helburuarekin 2004an eratu zen Zinhezba elkartearekin elkarlanean antolatu da zikloa. Hain zuzen, Helena Gonzalez elkarteko kidea arduratuko da proposatutako lan bakoitzaren aurkezpena egiteaz saio bakoitzean.
Horrela, dokumentalak jatorrizko bertsioan ikusi ahalko dira: Liam Firmagerrek zuzendutako 'Suzy Q' (2020) ekainaren 1ean; (2016), Juan Moyaren eta Chema Meraren 'Mi vida entre hormigas. Ilegales' ekainaren 8an; eta Anne Cutaiak eta Sophie Peyrardek zuzendutako 'Patti Smith: The electric Poet' (2022) ekainaren 15ean.
