DONOSTIA, 22 Ago. (EUROPA PRESS) -
Gizonezko bat zauritu da Zumarragan (Gipuzkoa), bere ibilgailuarekin garabi baten kontra talka egin ostean, Eusko Jaurlaritzako Segurtasun Sailak Europa Press-i jakinarazi dionez.
Ertzaintzatik adierazi dutenez, istripua 08:10ean erregistratu da A-636 autobidean, Zumarragako Deskarga gainean, furgoneta batek garabi baten kontra talka egin duenean.
Istripuaren ondorioz, furgonetaren gidaria, gizonezko bat, zauritu egin da eta Zumarragako ospitalera eraman behar izan dute, istripua gertatu den lekutik kilometro gutxitara aurkitzen baita ospitale hau.
Segurtasun Sailetik nabarmendu dute 09:00etan oraindik ere bertatik pasatzen ziren ibilgailuei ohartarazten zebiltzala arretarekin ibiltzeko, furgoneta eta garabiaren arteko istripuaren ondorioz.
