BILBO, 23 (EUROPA PRESS)
Euskal Herriko Eskubide Sozialen Karta osatzen duten sindikatuek eta eragile sozialek bat egin dute pentsiodunen elkarteek egindako aldarrikapenekin, eta greba orokorra antolatuko dute 2020ko urtarrileko bigarren hamabostaldian, "prekarietatearen aurka" eta "lan, pentsio eta bizitza duinen alde".
Mitxel Lakuntza eta Garbiñe Aranburu ELAko eta LABeko idazkari nagusiek eta pentsiodunen elkarteetako eta hainbat gizarte kolektibotako ordezkariek Bilbon egindako prentsaurrekoan adierazi dutenez, egungo egoeraren aurrean, "beharrezkoa da jauzi kualitatiboa ematea lan baldintza, pentsio eta bizitza duinen aldeko borrokan". "Konbentzimendu hirukoitz honek batzen gaitu", ziurtatu dute.
Horrez gain, urtarrileko greba orokorreko deialdira iritsi aurretik, datozen hilabeteetan "dinamika mobilizatzailea" jartzeko asmoa dute, "lantokietan eta kalean".
