Hiru gizon atxilotu dituzte Zeanurin (Bizkaia) erregai-tanga bat lapurtzeagatik

Actualizado 2011/03/16 18:22:50 CET

BILBO, 16 Mar. (EUROPA PRESS) -

Ertzaintzaren agenteek hiru gizonezko atxilotu zituzten atzo Zeanurin (Bizkaia), lursail batetik erregai-tanga eramangarri bat lapurtzea egotzita. Ustezko hiru lapurrek furgoneta baten sartu zuten tanga eta tokitik alde egin zuten. Hala ere, udaltzain batek lapurreta ikusi zuen eta ibilgailuaren atzetik joan zen, susmagarriak atxikita edukiz Ertzaintzaren patruila iritsi arte.

Eusko Jaurlaritzako Herrizaingo Sailaren arabera, gertaera atzo goizeko 9:15ean izan zen, Zeanuriko lur-sail pribatu batean. Hiru lagunek 1.500 litroko bolumena duen gas-oileko tanga eramangarri bat lapurtu eta furgoneta batera sartu zuten. Ondoren, tokitik alde egin zuten.

Zeanuriko udaltzain batek lapurreta ikusi zuen eta ustezko lapurren atzetik abiatu zen autoz. Barazar mendatearen inguruan furgoneta geldiaraztea lortu ondoren, Ertzaintzari jakinarazi zion gertatutakoa. Patruila bat bertaratu zen eta hiru susmagarriak identifikatu eta atxilotu zituen: 20 eta 22 urte bitarteko hiru gizonezko ziren.

Atxilotuak ertzain-etxera eraman zituzten ohiko eginbideak burutzeko, eta ondoren aske geratu ziren, baina epailearen aurrean agertu beharko dute datozen orduetan.