Irudigileak zikloak emakumeek ilustrazioan egindako lana bistaratuko du urritik abendura Gasteizen

Irudigileak zikloaren aurkezpena Gasteizen
GASTEIZKO UDALA
Europa Press País Vasco
Actualizado: lunes, 30 septiembre 2024 14:05
@epeuskadi

GASTEIZ 30 (EUROPA PRESS)

Irudigileak zikloaren bigarren edizioa egingo da Gasteizko Pilar gizarte etxean urritik abendura bitarte, 'Begirada feminista ilustrazioaren mundura' izenburupean, eta emakumeek ilustrazioaren munduan egindako lana bistaratzea izango du helburu.

Gasteizko Udaleko Kultura eta Hezkuntza zinegotzi Sonia Diaz de Corcuerak zikloaren aurkezpenean azaldu duenez, "iaz ikusi genuen ilustrazioaren mundua, are gehiago emakume ilustratzailearen begiradatik, Kultura Sailetik aztertu eta batez ere bultzatu eta ikusgai jarri beharreko nitxoa zela".

"Zikloak sektorean eta herritarren artean izandako harrera onaren ostean, zalantzarik gabe, aurten ere arrakasta izango du, eta, gainera, bigarren edizio honetako programazioa zabaldu dugu", gaineratu du.

Modu honetan, hainbat jarduera antolatu dira erreferentziazko emakume artistekin urritik abendura bitarte, besteak beste, Ania Saenz de Buruaga, Oihane Iriarte, Lucila Gonzales, Usue Egia, Esther Gili, Itziar Nanclares de Gamboa, Raisa Alava eta Eli Azurmendirekin.

Contador