Actualizado 05/03/2021 16:50 CET

Kaixomaitia Kontaketa Erotikoen I. Lehiaketaren sariak banatuko dira martxoaren 13an, Donostian

Kaixomaitia Kontaketa Erotikoen I. Lehiaketa.
ELKAR

DONOSTIA, 5 (EUROPA PRESS)

Kaixomaitia.eus atariak Elkar argitaletxearen babesarekin antolaturiko Kontaketa Erotikoen Lehiaketaren lehen edizioaren sariak banatzeko ekitaldia egingo da martxoaren 13an Donostian, Fermin Kalbeton kaleko Elkar dendan, 12:00etan.

Kaixomaitia.eus 2007an sortu zen, euskaldunen harremanetarako webgune gisa, eta egun mota honetako euskarazko bakarra izaten jarraitzen du. 2015an bloga sortu zuen atariak, bere xedeen artean baitu, besteak beste, euskarazko edukiak sortzea eta zabaltzea, esaterako, pertsonen arteko harreman afektibo eta sexualarekin dituzten orotariko gaiak, nahiz kontaketa edo ipuin erotiko laburrak.

Modu honetan, Elkar argitaletxearen babesean, atariak Kontaketa Erotikoen Lehiaketa antolatu du lehen aldiz, eta 2020ko azaroan hasita, 83 testu jaso ditu beste horrenbeste idazlerengandik.

Antxiñe Mendizabal editore eta idazleak, Dorleta Kortazar ipuin kontalariak eta Iñigo Arandia kaixomaitia.eus atariko arduradunak osatu dute epaimahaia, eta martxoaren 13an jakinaraziko dute urtarrilean aukeratu ziren zortzi finalisten artean zeintzuk diren irabazleak, 12:00etan, Elkarren Fermin Kalbeton dendan.

Zortzi finalisten testuak irakurgai daude kaixomaitia.eus atariko blogean: https://blog.kaixomaitia.eus/2021/01/15/kaixomaitia-eus-kont...