DONOSTIA, 25 May. (EUROPA PRESS) -
Ertzaintzak 43 urteko gizon bat eta 39 urteko emakume bat atxilotu zituen joan den ostegunean, Zizurkilen (Gipuzkoa), osasun publikoaren aurkako delitu bat egotzita, etxebizitzan marihuana plantazio bat aurkitu ondoren. Bikote batek izan omen zuen istilu batera joan ziren ertzainak, eta orduan aurkitu zuten plantazioa.
Eusko Jaurlaritzako Segurastun Sailak jakinarazi duenez, Ertzaintzak dei bat jaso zuen joan den ostegunean, goizaldean, ustez bikote bat borrokan ari zelako Zizurkilgo etxebizitza batean.
Bertaratu ziren patruilak etxebizitzan bizi zen emakumea identifikatzera joan ziren. Orduan, aztoratuta zegoen gizon baten kolpeak eta oihuak entzun zituzten, etxeko hormak eta altzariak jotzen ari baitzen. Azkenean, agenteek egiaztatu zuten ez zela bien arteko eraso fisikorik izan.
Inplikatutakoekin egindako jarduketan, agenteek ikusi zuten etxeko zenbait gela marihuana landareak hazteko egokituta zeudela. Horrenbestez, etxebizitzan bizi ziren bi pertsonak atxilotu zituzten, osasun publikoaren aurkako delitu batengatik, substantzia estupefazienteen ustezko trafikoa egotzita.
Ondoren, zegokion baimenarekin, Hernaniko ertzain etxeko agenteek miaketa bat egin zuten etxebizitzan, eta delituarekin lotutako ebidentziak konfiskatu zituzten, hala nola 166 marihuana landare, ia bi kilo eta erdi kukulu -batzuk plastikozko poltsa termozigilatuetan-, marihuana aldaxkak, kukuludun adarrak, hutsean ontziratzeko makina bat edo oharrak zituen libreta bat. Polizia izapideak egin ondoren, bi atxilotuak aste utzi zituzten, epailearen deiaren zain.
