DONOSTIA, 17 (EUROPA PRESS)
Rosa Garcia etxebizitza eskubideen aldeko ekintzaile eta Stop Desahucios elkarteko ordezkariak jasoko du urtarrilaren 20an 2019. urteko Donostiako Urrezko Danborra, Eneko Goia alkateak astelehen honetan iragarri duenez.
Hiritarrek Garcia aukeratu dute euren bozen bidez, Ane Gabarain aktorearen, Dolores Redondo idazlearen, Esther Ferrer artistaren eta Alicia Amatriain dantzariaren aurretik.
Rosa Garcia (Madril, 1948) etxebizitza eskubidearen aldeko ekintzaile nekaezina da, eta Stop Desahucios elkartean eta hiritarren beharrizanen alde egindako lana dela-eta proposatu zuten.
Goiak ziurtatu du bost hautagaiek "meritu nahikoak" zituztela saria jasotzeko, eta nabarmendu du "guztion" Urrrezko Danborra dela. Azaldu duenez, 3.666 donostiarrek bozkatu dute, hiritar guztien %2,24, iaz 6.135ek egin zuten bitartean.