BILBO, 14 (EUROPA PRESS)
SPRI Taldeak eta Euskadiko Teknologia Parkeek jardunaldi batzuk antolatuko dituzte otsail amaieran, Eusko Jaurlaritzako Ekonomia Garapen eta Azpiegitura Sailak eta SPRI Taldeak berak 2019an eskainiko dituzten laguntzen programak eta zerbitzuak ezagutzera emateko.
Aurkezpen topaketak goizeko 09:30etik 11:30era bitartean izango dira teknologia parkeetako auditoriumetan. Hain zuzen, Araban otsailaren 26an izango da, Bizkaian otsailaren 27an eta Gipuzkoan otsailaren 28an, SPRIk jakinarazi duenez.
Zehazki, Itziar Epalza Teknologia Parkeen Sareko presidenteak, Aitor Cobanera SPRI Taldeko Teknologia eta Berrikuntza Saileko zuzendariak eta Ainhoa Ondarzabal Nazioartekotzeko Euskal Agentziako zuzendariak azalduko dituzte 4.0 Industria, Zibersegurtasuna, Teknologia, Berrikuntza, Enpresa Sustapena, Ekintzailetza, Nazioartekotzea eta Teknologia Parkeak arloetako laguntza eta zerbitzuak azalduko dituzte.
