UEUk antolatutako Ikergazte biltzarrak 200 ikertzaile euskaldun bilduko ditu asteazkenetik ostiralera Bilbon

Ikergazte
UEU
Europa Press País Vasco
Actualizado: lunes, 26 mayo 2025 14:45
@epeuskadi

BILBO, 26 (EUROPA PRESS)

UEU Udako Euskal Unibertsitateak Ikergazte biltzarraren seigarren edizioa antolatu du asteazkenetik ostiralera, maiatzaren 28tik 30era, Euskalduna Bilbao jauregian, eta 200 ikertzaile euskaldun bilduko ditu.

UEUk jakinarazi duenez, bi urtean behin antolatzen du Ikergazte diziplinarteko biltzarra, euskal ikertzaile gazteak elkar ezagutzeko, goi mailako ikerketa euskaraz egiten dela erakusteko eta ikerketa horien emaitzak zabaltzeko asmoz.

Bada, topaketaren aurtengo edizioa asteazkenean hasiko da, 09:10ean, Aitor Bengoetxea Alkorta UEUko zuzendariak egingo duen ongietorri instituzionalarekin.

Jarraian, 09:30ean, Olu Jenzen (Southamptongo Unibertsitatea) izango da hizlaria eta 'Trans and gender diverse youth, backlash, creativity, community and resilience' mintzaldia eskainiko du.

EHUko Arturo Elosegi Irurtiak 'Pentsaezina ohiko bilakatuz: ekosistemen leheneratzea' hitzaldia eskainiko du 10:30ean, eta goizeko saioa bukatzeko, ikertzaile gazteen mikroaurkezpenak izango dira 12:00etatik 14:00etara.

Arratsaldean, 14:00etatik 17:45era, posterrak aurkeztuko dira, eta 15:30etik 17:45era ikertzaile gazteek ahozko aurkezpenak egingo dituzte.

Contador