BILBO, 21 Oct. (EUROPA PRESS) -
Urdaibai Bird Center zentroak hegazti urtarren behaketarako hastapen ikastaro bat antolatuko du azaroan. 14 urtetik gorakoentzako eta hegaztiei buruzko ezagutza maila baxua daukan jendearentzako egokituta
egongo da, eta azaroaren 9an, 16an eta 23an egingo da, zentroko arduradunek jakinarazi dutenez.
Zentroak garatzen dituen prestakuntza eta ingurumen hezkuntzako jardueren eremuan kokatzen da eta ornitologiaren munduan mugitzen diren
pertsonen parte hartzea eta hastapena laguntzeko bideratuta dago. Urtean zehar Urdaibaiko paduretan beha daitezkeen uretako hegaztien ekologia, biologia eta fenologiari buruzko oinarrizko ezaguerak, eta uretako hegaztiak lokalizatzeko, ezagutzeko eta identifikatzeko oinarrizko jarraibide batzuk eskuratzea da helburua.
Ikastaroa azaroaren 9, 16 eta 23an izango da: bi ordu lehenengo bi saioetan eta bi ordu eta erdi hirugarrenean. Saio guztiak goizeko 10:00etan hasiko dira, Urdaibai Bird Center-en egoitzan, Gautegiz-Arteagan.
