BILBO, 24 (EUROPA PRESS)
Bilboko Udaleko Bidebarrieta Kulturguneak 'XXI. mendeko emakume idazleak' izeneko zikloaren edizio berria jarriko du martxan asteazkenean, urtarrilaren 26an, Goizalde Landabaso-Etcheverryrekin. Topaketa 19:00etan hasiko da, Bibebarrietako liburutegiko areto nagusian, eta Idoia Jauregi kultur kazetari espezializatuak zuzenduko du zikloa.
'XXI. mendeko emakume idazleak' 2018an jarri zen martxan, literatura garaikideko emakumezko egileen lanean arreta jartzeko. Ordutik, Almudena Grandes, Dolores Redondo, María Oruña, Elvira Lindo, Najat El Hachmi edo Karmele Jaiok hartu dute parte topaketetan, Bilboko Udalak jakinarazi duenez.
Bada, Goizalde Landabaso-Etcheverry kazetari eta idazlea izango da asteazkeneko saioko gonbidatua. Gaur egun, Radio Euskadi irratiako 'Hágase La Luz' programan kolaboratzen du asteburuetan, besteak beste. Erein argitaletxearekin 'Krakovia' izeneko eleberria argitaratu berri du. Umore beltzez, emakume bat ospitale batean dagoela kontatzen du.
Bere lehen eleberria da, baina lehenago dozena erdi liburu argitaratu ditu, hala nolsa kronikak, narrazio laburrak, poemak edo korrespondentzia.
Sarrera doakoa eta librea izango da eserlekuak bete arte. Bertaratzerik ez badago, emanaldia 'streaming' bidez ere jarraitu ahal izango da www.kulturguneatb.eus webgunean.
