SANTIAGO DE COMPOSTELA, 14 Ene. (EUROPA PRESS) -
Un adolescente resultou ferido de consideración na tarde deste martes ao ser atropelado por un camión nun paso de peóns en Redondela (Pontevedra), á altura do edificio do conservatorio.
Segundo informou o CIAE 112 Galicia, foron varios os particulares que avisaron do accidente, que tivo lugar sobre as 18,50 horas deste martes.
Despois de recibir a alerta, os xestores de emerxencias informaron os servizos de Urxencias Sanitarias de Galicia-061, que debido á gravidade do suceso mobilizaron unha ambulancia medicalizada ao lugar.
Ademais, deron conta dos sucedido aos axentes de Tráfico, da Policía Nacional e Local, que se desprazaron ao momento.
