SANTIAGO DE COMPOSTELA, 1 Oct. (EUROPA PRESS) -
A Consellería de Medio Rural informou de que, desde este xoves, poderán solicitarse de novo, por parte das persoas interesadas, as autorizacións para queimas en terreos forestais, así como efectuar as comunicacións para as rexistradas en parcelas agrícolas.
Deste xeito, o departamento autonómico levanta a suspensión que rexe desde o pasado 1 de xullo, data de inicio da época de alto risco de lumes, unha temporada que finalizada este mércores 30 de setembro.
Para realizar a tramitación, a partir deste xoves, existen dúas vías. Ou ben chamar ao teléfono 012 ou empregar a vía telemática desde a dirección (https://queimasweb.xunta.gal).
Os cidadáns que desexen queimar restos agrícolas amontoados nas zonas que determina a Lei 3/2007, do 9 de abril, de prevención e defensa contra os incendios forestais de Galicia, nos períodos habilitados, deberán comunicalo dous días antes.
No caso de queimas de restos forestais amontoados, deberase solicitar unha autorización debido ao risco da actuación, sendo maior o proceso de tramitación. En todo caso, é preciso lembrar que as autoridades e comunicacións deixan de ter validez nos días que hai vento e altas temperaturas.
