O peche da escola infantil municipal do Saviñao eleva a 4 os centros deste tipo pechados
SANTIAGO DE COMPOSTELA, 4 Dic. (EUROPA PRESS) -
O número de casos activos por covid-19 relacionados coas aulas galegas baixou de novo este venres até situarse en 960 --sete menos que os que había fai 24 horas--, que obrigan a manter pechadas catro escolas infantís e 48 unidades educativas --una menos--.
Así figura no balance ofrecido polas autoridades sanitarias este venres, xornada na que se elevan a catro as escolas infantís pechadas, ao facelo a municipal do Saviñao, que se suma á Barcala de Cambre, Chiquis de Pontevedra e Cáritas Tui-Vigo da cidade olívica.
É, precisamente, a área sanitaria da cidade viguesa onde hai maior número de casos activos na súa comunidade educativa cun total de 236. Aínda que se manteñen os positivos, hai tres aulas máis en corentena --11 en total--. O centro máis afectado segue sendo o centro privado As Acacias-Montecastelo, ten 9 contagios --un menos--.
A área da Coruña elévanse en dúas os positivos, até os 211, pero as aulas en corentena baixan a 11 --dúas menos--. Os centros de maior incidencia son o CPR Plurilingüe A Grande Obra de Atocha da Coruña, con 12 casos --catro máis--; o CEIP Virxe da Barca de Muxía, que se mantén con dez casos; e o CEIP Fogar de Carballo, que continúa con nove casos.
En Pontevedra, pola súa banda, baixan a 142 os contagios en activo (oito menos) e descende tamén o número de aulas pechadas até seis (unha menos). O colexio plurilingüe de Nantes e o Campolongo son os centros máis afectados, con cinco casos cada un.
En Lugo hai 128 casos (un menos) e oito aulas pechadas (tamén unha menos. O CEIP Paradai segue á cabeza de contagios, con dez positivos.
RESTO DE ÁREAS
Na área de influencia da capital galega, os centros contan con 122 positivos (dous máis) e sete aulas (unha menos) pechadas. San Vicente da Baña e o IES Plurilingüe Maruxa Mallo de Ordes, á cabeza con seis positivos cada un.
En Ferrol baixan lixeiramente a 79 os casos (dous menos) e pero hai unha aula máis pechada --catro--. Na área ferrolá destaca o CEIP Couceiro Freijomil de Pontedeume, que mantén sete positivos.
A área de Ourense pecha a táboa con 42 contagios (sen cambios) e unha unidade afectada (as mesmas).
