VIGO, 19 Oct. (EUROPA PRESS) -
Os servizos de emerxencias evacuaron preto da medianoite deste xoves ás persoas que se atopaban no interior dun local de hostalaría de Vigo despois de que se declarase un incendio.
Segundo a información do CIAE 112-Galicia, o lume iniciouse sobre as 23,40 horas nun restaurante da Vía Norte, á altura do número 40.
Até o lugar desprazáronse efectivos de Bombeiros e da Policía Local, así como do servizo de prevención, extinción de incendios e salvamento, que atallaron as lapas.
O incendio, que deixou danos nos cables do falso teito do comedor, non causou feridos, aínda que obrigou a evacuar a unhas 10 persoas que se atopaban no interior do restaurante, como medida de seguridade.
