SANTIAGO DE COMPOSTELA, 15 Dic. (EUROPA PRESS) -
A conselleira de Infraestruturas, Ethel Vázquez, pediu este sábado ao Ministerio de Fomento a posta en marcha de "medidas para paliar a discriminación" que sofre Galicia en materia de peaxes.
En declaracións aos medios, Vázquez asegurou que é "incomprensible" que "se fagan anuncios de liberación de peaxes doutras autoestradas en España" e "anuncios de descontos noutras autoestradas", mentres a AP-9 sofre "unha subida continuada" das súas tarifas.
"O que estamos a ver é unha discriminación, un agravio con Galicia", indicou a conselleira, para quen é "incomprensible esa política de peaxes do Ministerio de Fomento", organismo ao que pediu a posta en marcha de "medidas para paliar esa discriminación".