SANTIAGO DE COMPOSTELA, 22 Nov. (EUROPA PRESS) -
O xuíz Ángel Pantín expulsou este venres ao pai de Diana, Juan Carlos Quer, da sala na que se celebra o xuízo contra Enrique Abuín, despois de que este increpase ao acusado: "Podería ser a túa filla".
Sucedeu durante o visionado das imaxes da reconstrución dos feitos que Abuín Gey realizou cos axentes en xuño de 2018 para explicar o modo en que, segundo el, matou a Diana, a levou a Asados e a deixou no pozo.
Xusto no momento no que, na sala, podía verse como Enrique Abuín introducía o maniquí que simulaba ser a moza pola tapa do pozo da nave abandonada de Asados, Juan Carlos Quer levantouse e increpou ao Chicle: "Podería ser a túa filla".
Nese momento, o presidente do Tribunal díxolle que abandonase a sala, ante o que Juan Carlos Quer se disculpou e abandonou o edificio xudicial. O acusado non o mirou directamente en ningunha ocasión.
