SANTIAGO DE COMPOSTELA 7 Nov. (EUROPA PRESS) -
O voceiro nacional do BNG, Guillerme Vázquez, rexeitou este luns "dar consellos" ao ministro de Fomento, José Blanco, sobre a súa continuidade no cargo, despois das informacións feitas públicas sobre a súa implicación no coñecido como 'Operación Campéon', e considerou que "deberá tomar as decisións que considere oportunas".
"Xa o dixen noutras ocasións, non lle teño que dar consellos a ninguén, cada un fará o que considere conveniente. E dende logo, dende a presunción de inocencia", manifestou en declaracións aos medios ao ser preguntado polo contido da exposición razoada que a xuíza Estela San José, instrutora da 'Operación Campeón', remitiu ao Tribunal Supremo e que, segundo revela 'El Mundo', incluiría chamadas e mensaxes telefónicas que demostrarían supostos favores de José Blanco a empresarios afíns.
Neste sentido, Guillerme Vázquez concluíu que, "a partir de aí, cada grupo político, cada persoa, deberá tomar as decisións que considere oportunas".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)